Hewlêr (Rûdaw) - Li Bazîda navçeya Agiriyê çiyagerê biyanî yê ku hildikişiya Çiyayê Agiriyê ket û birîndar bû.
J.H.yê welatiyê Komara Çekê yê 64 salî gava bi komekê re hildikişiya Çiyayê Agiriyê ku 5 hezar û 137 metreyan bilind e, xwe ranegirt û ket.
Piştî ku J.H. ket kesên di komê agahî da cendirmeyan û tîmên tenduristiyê.
Tîmên tenduristiyê yên çûn cihê bûyerê tesbîtkirin ku çiyager ji mil û serê xwe birîndar bûye û wan li devera ku 3 hezar û 200 metreyî bilind e midaxele kir.
Wan piştre J.H. bi ambulansê birin Nexweşxaneya Dewletê ya Doç. Dr. Yaşar Eryilmaz a li Bazîdê.
Rewşa J.H.yê ku tê dermankirin baş e.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse