Hewlêr (Rûdaw) - Rêveberiya Xweser li Rojavayê Kurdistanê û Bakurê Rojhilatê Sûriyê, nirxê kîloya tovê genim, bi 1200 lîreyê Sûriyê ji bo cotkaran destnîşan kir.
Desteya Aborî û Çandiniya Rêveberiya Xweser ya Bakurê Rojhilatê Sûriyê daxuyaniyek derbarê nirxê tovê genim de belav kir.
Desteya Aborî û Çandiniyê ragihand, ku ji bo sala çandiniyê ya 2021-2022, nirxê kîloya tovê genim, yê xirbalkirî û dermankirî, bi 1200 Leyreyên Sûriyê ji bo cotkaran hatiye destnîşan kirin.
Li gorî ku Rêveberiya Xweser ragihandiye, wê belavkirina tovê genim li ser cotkaran, ji 10ê îlona îsal de destpê bike û dê cotkar kîloya genimê pak yê ku ji bo çandiniyê hatiye amedekirin, bi 1200 lîreyê Sûriyê, ji Rêveberiya Xweser bikirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse