Sûlava Bêgiriyê ji zibil hat paqijkirin

Hewlêr (Rûdaw) - Endamên Komeleya Ahbap ku di çarçoveya Zanîngeha Yuzincu Yil a Wanê de çalakiyên xwe dikin, kampanyayek bo komkirina zibil ji derdora Sûlava Bêgiriyê dan destpêkirin ku her sal bi hezaran kes serdana wê dikin.

Çil xwendekarên Zanîngeha Yuzuncu Yil a Wanê ku endamê Komeleya Ahbap in, kampanyayek bo paqijkirina derdora Sûlava Bêgiriyê (Şelaleya Mûradiye) dan destpêkirin û ziblê li wan deran hatibû avêtin kom kirin.

Xwendekaran ziblê li derdora sûlavê xistin torbeyan û birin navenda ku ku zibil lê tê komkirin. Xwendekaran herwiha daxwaz ji geştyaran kirin ku dema serdana vê derê dikin, jîngehê pîs nekin û hinekî li beramber jîngehê hestyar bin.

Sûlava Bêgiriyê, 100 kîlometre dûrî bajarê Wanê yê Bakurê Kurdistanê, 8 kîlometre jî dûrî navçeya Bêgiriyê  (Mûradiye) ye. Havînê bi coş û şînkahiya xwe û zivistanê jî bi dîmenê xwe yê cemedê, gelekî balê dikşîne. Sûlav, 30 metre bilind e û li ser çemê Bendîmahi ye.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger