Malbata Kurd a nexweş li benda alîkariya xêrxwazan e

Hewlêr (Rûdaw) - Malbateke Kurd a ji bajarê Minbicê, ku xwedan pêdiviyên taybet in di rewşeke tendirustî û aborî ya zehmet de dijîn.

Şeş endamên vê malbatê nexweş in û weke ku ew jî dibêjin, ji bo çareseriya tendirustî, pêwîstiya wan bi alîkariyê heye.

Bavê zarokên nexweş got “Ez û zarokên xwe va em 5-6 serî kulfet in. Dê, xwişk û birayên min û bavê min jî çar kes in. Bavê min jî nexweş e. Em dixwazin alîkariyek bi me re bê kirin.”

Vê malbatê li Sûriyê hewl da çareseriyeke tandirustî ji nexweşn xwe re bibîne, lê ti encama baş jê nebû.

Dapîra zarokên nexweş dibêje “Ez dixwazim alîkariyek bi min re bê kirin. Me van keçikan jî şeş caran neştergerî kir lê ne serkeftîbûn. Ez alîkariyê ji we dixwazim. Xwedan xêran ev xanî ji wan re lêkirin. Roj heye pere li ba min tineye, ez potikên wan dişom. Ez jî miroveke temen mezin im û nexweşim.”

Bi sedema alozbûna rewşa Sûriyê û buhabûnê, çareserkirina gelek nexweşiyan zehmet bûye, him ji ber nebûna dahatê him jî ji ber nebûna amêrên bijîkî û dermanan.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger