Li Riha û Meletiyê qeza: Kesek mir û 7 kes birîndar bûn
Hewlêr (Rûdaw) - Li parêzgehên Riha û Meletiyê di du qezayan de kesekî canê xwe ji dest da û 7 kesên din jî birîndar bûn.
Şeva borî li ser rêya navçeya Xelfetiyê ya Rihayê otomobîlên ku welatiyên bi navên Şefîk Erkan û Recep Vûral diajotin li hev qelibîn.
Recep Vural li cihê bûyerê canê xwe ji dest da û Şefîk Erkan û 2 kesên din ên di her du otomobîlan de birîndar bûn.
Li ser agahdarkirinê tîmên tenduristiyê çûn cihê bûyerê û birîndar rakirin Nexweşxaneya Dewletê ya Xelfetiyê.
Tîman termê Recep Vural rakir morga nexweşxaneyê.
Li Meletiyê qeza
Li aliyê din, li navçeya Çermiktiyê ya Meletiyê jî otomobîlek qulibî.
Di wê qezayê de jî 4 kesên di otomobîlê de birîndar bûn.
Li ser agahdarkirinê tîmên tenduristiyê çûn cihê bûyerê û bîrîndar rakirin nexweşxaneyê.