Kurdistan
Li navçeya Misircê ya Sêrtê, di şahiya bûk û zavayekî de li cihê otomobîlên asayî traktorên ku bo karê çandiniyê tên bikaranîn, hatin bikaranîn.
Hewlêr (Rûdaw) - Li Navçeya Misircê ser bi parêzgeha Sêrtê ya Bakurê Kurdistanê, xêlîvan bi karwanê traktoran çûn bûka xwe anîn û şahiya bûk û zava hat lidarxistin.
Li bajarokê Zokeyde yê ser bi navçeya Misircê ve bo şahiya bûk û zava li cihê otomobîlên asayî traktorên ku bo karê çandiniyê tên bikaranîn, hatin bikaranîn.
Karwanê ku ji 20 traktoran pêk dihat di nava bajarok de geriyan û piştî gerekê çûn mala bûkê, da ku wê veguhêzin mala zavê.
Her 20 traktor bi balonan hatin xemilandin û ew dara li gorî çanda vê navçeyê bo zavê tê xemilandin jî di romorka traktorekê de hatiye danîn.
Bi vî awayî bûk û zava Adnan û Mehdiye Nas di şahiya xwe ya zewacê de xwestine tişteke cuda ji kesên din bikin, bala hemû welatiyan kişandine ser xwe.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse