Hewlêr (Rûdaw) - Li parêzgehên Wan, Colemêrg, Bedlîs û Mûşê yên Bakurê Kurdistanê rêyên 1306 gundên ji ber berfê hatibûn girtin, hatin vekirin.
Li gor daxuyaniya Şaredariya Bajarê Mezin a Wanê, li tevahiya parêzgehê rêyên 3 gund û navçeyan ji ber rewşa nerênî ya keş û hewayê girtî ne. Herwiha ji hefteya borî ve û heta niha rêyên 630 gund û navçeyan hatine vekirin.
Li Colemêrgê û navçeyên wê rêyên 248 gund û gundikên ji ber berfê hatibûn girtin, ji aliyê tîmên Îdareya Taybet a Bajêr ve hatin vekirin. Lê hewa sar û mij û moranê bandoreke nerênî li jiyana rojane ya welatiyan kiriye.
Rêveberê Xizmetên Rê û Gihandinê ya Îdareya Taybet a Bedlîsê Umit Kurtkan ragihand ku rêyên 243 gundên ji ber berf û pûkê hatibûn girtin, ji nû ve hatine vekirin. Herwiha da zanîn ku kar û xebatên vekirina rêyên 5 gundên din jî berdewam in.
Sekreterê Giştî yê Îdareya Taybet a Mûşê Şeyhmuz Yentur jî diyar kirk u rêyên 185 gundan hatine vekirin. Li aliyê din li gor Rêveberiya Keşnasiyê, li wan parêzgehên Bakurê Kurdistanê sir û sermayeke zêde heye û gelek cihan qeşa girtî ye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse