Li Bazara Qeyserî ya Kerkûkê bi dehan dikan şewitîn

Kerkûk (Rûdaw) – Şeva derbasbûyî agir bi bazara kevn a Kerkûkê girt û ji ber agir bi dehan dikan şewitîn û zirareke mezin gihişt dikardaran.

Peyamnêrê Rûdawê Herdî Mihemed ji Kerkûkê ragihand ku di demjimêr 00:15ê şevê de agir bi Bazara Qeyserî ya Kerkûkê ya li naverasta wî bajarî girt û ji ber agir beşeke berçav a bazarê şewitî û bi sedan dikadar jî zirar dîtin.

Peyamnêrê Rûdawê herwiha eşkere kir, ji ber ku beşeke bazarê cihê firotina cilûberg û bêhn bû, agir bi awayekî bilez zêde bû û tîmên berevaniya şaristanî bi zehmetî karîn şewatê bitefînin û herwiha dikandar jî nekarîn beşeke kelûpelên xwe rizgar bikin

Peyamnêrê me amaje bi wê yekê jî kir, ku lêkolînên destpêkê derdixin holê ku kontakta elektrîkê bûye sedema derketina şewata bazara Kerkûkê.

Bazara Qeyserî yek ji deverên şûnwarî yên Kerkûkê ye, ku di serdema Osmaniyan de hatiye çêkirin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger