Hewlêr (Rûdaw) - Li parêzgeha Sêwazê ya Bakurê Kurdistanê, agir bi avahiyekê ket û 6 kes bi jehrê ketin.
Li taxa Dîrîlîşê ya Sêwazê, ji ber sedemeke nediyar agir bi qatê 5an ê avahiyeke 10 qatî ket û gelek kes di avahiyê de asê man.
Li ser agahdarkirinê tîmên agirvemirandinê, tîmên tenduristiyê û hêzên ewlehiyê çûn cihê bûyerê.
Tîmên agirvemirandinê yekser dest bi vemirandina agir kir û wan kesên asê mabûn rizgar kirin.
Agir hat vemirandin lê ji ber dûmanê 6 kes bi jehrê ketin.
Tîmên tenduristiyê ew birin nexweşxaneyên cuda yên Sêwazê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse