Li Koyeyê qeza: Miriyek û 27 birîndar
Hewlêr (Rûdaw) – Li navçeya Koyeyê ya Hewlêrê otobûs wergeriya û di encamê de kesekî canê xwe ji dest da û 27 kes jî birîndar bûn.
Li devera Gundê Kilke Simaqê yê Koyeyê otobûsek wergeriya.
Rêvebirê Tenduristiyê yê Koyeyê Kamaran Şêxanî derbarê qezayê ji Rûdawê re axivî û got:
“Otobûsa rêwiyan li nêzîkî Gundê Kilke Simaqê ye Koyeyê wergeriya. Li gorî agahiyên destpêkê di qezayê de kesekî canê xwe ji dest da û 27 kes jî birîndar bûn.”
Bi gotina Kamaran Şêxanî birîna çend kesan xedar e û metirsî li ser jiyana wan heye.
Tîmên tenduristiyê birîndar veguhastin nexweşxaneyên derdorê.
Derbarê qezayê lêpirsîn berdewam dike.