Civîma Tevgera Avakirina Demokratîk a Kurdistanî - Sûriyeyê
Hewlêr (Rûdaw) – Îro avakirina "Tevgera Avakirina Demokratîk a Kurdistanî - Sûriye"yê hat ragihandin.
Heta ku kongre bê lidarxistin dê Mistefa Cuma rêveberiya Tevgera Avakirina Demokratîk a Kurdistanî - Sûriyeyê bike.
Li bajarê Dortmundê yê Almanyayê, li bajarê Hewlêrê yê Herêma Kurdistanê û li bajarê Qamişloyê yê Rojavayê Kurdistanê civîna endam û rêvebirên Tevgera Avakirina Demokratîk a Kurdistanî - Sûriyeyê bi rê ve çû.
Endamê Desteya Serkirdayetiya Demkî ya Tevgera Avakirina Demokratîk a Kurdistanî - Sûriyeyê Ebdila Îmam ji Rûdawê re got:
“Heta lidarxistina kongreyê, Mistefa Cumayê endamê berê yê Polîtburoya PDK-Syê û sekreterê berê yê Partiya Azadiyê dê rêveberiya tevgerê bike.”
Ebdila Îmam eşkere kir ku Desteya Serkirdayetiya Demkî ya Tevgera Avakirina Demokratîk a Kurdistanî - Sûriyeyê 20 kes in.
Mistefa Cuma di kongreya dawî ya PDK-Syê de wekî serkirde nehatibû hilbijartin.
Cuma wê demê ji Rûdawê re gotibû, ew wek endamên Partiya Azadiyê hatine piştguhkirin û ew dê partiyeke nû ava bikin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse