Hewlêr (Rûdaw) – Şandeke 11 kesî ya Partiya Demorkatîka Gelan (HDP) dê sibe serdana wan herêmên Dêrsimê bike, ku agir bi daristanên wan deran ketiye.
Li Dêrsim a Bakurê Kurdistanê jî ji doh ve operasyona hêzên ewehiyê yên Tirkiyê li dijî PKKê dest pê kirine û helîkopterên artêşa Tirkiyê çend deverên Dêrsimê bombebaran kirine.
Li gorî zanyariyan, di encama bombebaranê de cardin agir bi daristanên çiyayên Dêrsimê ketiye û heta niha nehatiye vemirandin.
Her li ser berdewamiya şewata li daristanên Dêrsimê, HDPê ragihandiye, ku dê çend parlamenterên xwe jibo şopandin û lidûvçûna rewşê bişîne herêmê. Hatiye ragihandin, ku dê şandeke 11 kesî ya HDPê sibe roja Sêşemî 28ê Tebaxê biçin Dêrsimê.
Navenda Ragihandin û Çapemeniya HDPê di daxuyaniyekê de ragihandiye, ku cîgirên hevserokên HDPê Alîcan Onlu, Murat Çepnî û Serokê Fraksyona HDPê li parlamentoya Tirkiyê Ayhan Bîlgen, Kargêrê Îdarî yê HDPê Mahmut Tagrul û parlamenterên wê partiyê Erkan Baş, Huda Kaya, Meral Daniş Beştaş, Erdal Aydemir, Mehmet Tiryaki, Dilşat Cambaz û Kemal Bulbul dê roja Sêşemî 28ê Tebaxê serdana wan herêmên Dêrsimê bikin, ku agir li daristanên wan deran ketiye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse