Hewlêr (Rûdaw) - Mîsyona Alîkariyê ya Neteweyên Yekbûyî ya ji bo Îraqê (UNAMI) got, “Em êrişa li li Qada Gazê ya Kormorê ku elektrîka Herêma Kurdistanê dabîn dike şermezar dikin.”
Doh saet di 18:45an de bi dronên bombebarkirî êrişî Qada Gazê ya Kormorê ya li Silêmaniyê hat kirin.
Di êrişê de 4 xebatkarên Yemenî canê xwe ji dest dabû û 2 kes jî birîndar bûbûn.
Mîsyona Alîkariyê ya Neteweyên Yekbûyî ya ji bo Îraqê (UNAMI) derbarê êrişê de li ser hesabê xwe yê Xê daxuyaniyek da.
UNAMIyê di daxuyaniya xwe de got:
“Em êrişa li Qada Gazê ya Kormorê ku elektrîka Herêma Kurdistanê dabîn dike şermezar dikin.
Em ji malbatên qurbaniyan re sersaxiyê dixwazin û ji birîndaran re jî şifayê dixwazin.
Em bi germî pêşwaziyê lêpirsinê dikin ji bo ku êrişkar bên tespîtkirin û bên darizandin."
We condemn the attack on Khor Mor gas field, which provides electricity to the public in the Kurdistan Region. Our condolences to the families of those killed, and we wish the injured speedy recovery. We welcome investigation to identify and bring the attackers to justice.
— UNAMI (@UNIraq) April 26, 2024
Berhemanîna elektrîkê kêm bû
Piştî êrişa li Qada Gazê ya Kormorê berhemanîna elektrîkê 2 hezar û 500 megawat kêm bûye.
Qada Gazê ya Kormorê
Qada Gazê ya Kormorê li gundê Kormorê yê nahiyeyê yê Qadir Keremê yê navçeya Çemçemalê ya Silêmaniyê cih digire.
Qada Gazê ya Kormorê bi armanca hilberîn, pêşvebirin û firotina berhemên petrolê sala 2007an hat avakirin û sala 2008an jî hilberîna gazê dest pê kir.
Salên 2022 û 2023yan jî gelek caran êrişî Kormorê hatibû kirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse