Hewlêr (Rûdaw) – Asayişa Hewlêrê red dike, ku ti berbijêrekê/î hilbijartinên parlamentoya Iraqê ji aliyê hêzên ewlekariyê ve hatibe desteserkirin û dibêje, hemû lîstên hilbijartinê bi azazî bangeşeya xwe dikin û kempînên xwe yên hilbijartinê birêve dibin.
Rêveberê Asayişa Hewlêrê, Tariq Nûrî di daxuyaniyekê de ji Rûdawê re ragihand: Ti namzedekê/î partiyên kurdî û erebî li Hewlêrê nehatine desteserkirin. Tevahiya berbijêrên partiyan, yên erebî û kurdî bi awayekê azad bangeşeyêb xwe yên hilbijartinan dikin, bêyî ku ti rêgiriyek li hember wan were kirin.
Tariq Nûrî amaje bi wê jî kir, ku her nûçe û zanyariyek derbarê girtina namzedan li Hewlêrê de hatibe belavkirin, ji rastiyê dûr e û ew bi tevahî red dikin.
Ev daxuyaniya Asayişa Hewlêrê piştî wê yekê tê, ku di hinek medyayan û torên civakî de nûçeya desteserkirina berbijêrekî lîsta Nesir a serokwezîrê niha yê Iraqê Heyder Ebadî hatiye belavkirin.
Biryar e hilbijartinên parlamentoya Iraqê di 12ê Gulana îsal de birêve biçin. Ev dibe yekemîn hilbijartin ku piştî şerê DAIŞê li Iraqê tê kirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse