Hewlêr (Rûdaw) - Li parêzgehên Wan, Mûş û Bedlîsê ji ber barîna berfa zêde rêyên 171 gundan hatin girtin.
Li gorî daxuyaniya Şaredariya Bajarê Mezin a Wanê, ji ber rewşa hewayê ya xirab û berfê rêyên 96 gund û gundikên wê parêzgehê hatine girtin.
Şaredariya Bajarê Mezin a Wanê diyar kir ku tîmên Rêveberiya Taybet a Bajêr dest bi paqijkirina rêyan kiriye.
Sekreterê Giştî yê Rêveberiya Taybet a Mûşê Şêxmus Yentur jî ragihand ku li wê parêzgehê ji ber berfê rêyên 24 gundan hatine girtin.
Şêxmus Yentur da zanîn ku ji bo vekirina rêyan tîman dest bi kar û xebatên xwe kiriye.
Rêveberê Xizmetên Rê û Veguhastinê yê Rêveberiya Taybet a Parêzgeha Bedlîsê Umît Kurtkan jî ragihand ku ji ber ber berfê û bagerê rêyên 51 gundan hatine girtin.
Umît Kurtkan herwiha da zanîn ku ji bo xelk zêde mexdûr nebe tîman dest bi xebatên vekirina rêyan kiriye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse