Hewlêr (Rûdaw) - Li parêzgehên Xarpêt û Erziromê yên Bakurê Kurdistanê ji ber berfê du qezayên trafîkê çêbûn û bi giştî 18 kes birîndar bûn.
Li navçeya Avnîkê ya parêzgeha Erziromê ji ber şert û mercên keş û hewayê mîdîbusek qulibî.
Li ser agahdarkirinê polîs û tîmên tenduristiyê çûn cihê bûyerê.
Di bûyerê de 12 kes birîndar bûn û tîmên tenduristiyê birîndar rakirin nexweşxaneyên parêzgeha Erziromê.
Herwiha li parêzgeha Xarpêtê jî otomobîlek ji rê derket û li hesinên kêleka rê da.
Di wê bûyerê de jî 6 kes birîndar bûn û timên tenduristiyê birindar birin nexweşxaneyê.
Li seranserê Bakurê Kurdistanê berf dibare û çûn û hatin zehmet bûye.
Ji ber şert û mercên keş û hewayê yên neyînî qezayên trafîkê jî zêde bûne.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse