Bîlançoya şerê li Minbicê hat eşkerekirin

Hewlêr (Rûdaw) - Hêzên Sûriyeya Demokratîk (HSD) û SOHRê bîlançoya şerê doh ê li Minbicê eşkere kir.

Li derdora Bendava Tişrînê û li çoltera Minbicê şerê di navbera Meclisa Leşkerî ya Minbicê û komên çekdar ên ku Tirkiye piştgiriyê dide wan de berdewam dike.

Hêzên Sûriyeya Demokratîk (HSD) ragihand ku şervanên Meclisa Leşkerî ya Minbicê hemû êrişên li gundewarê başûrrojhilatê Minbicê û Bendava Tişrînê têk birine.

Li gorî daxuyaniyê, di van şer û pevçûnan de 14 çekdar hatine kuştin.

Her wiha hat diyarkirin, “Bi dehan çete birîndar bûn. 2 panzêr û 2 erebeyên doçka li ser wan û 2 motorsiklêtên çeteyan hatin rûxandin.”

Hêzên Sûriyeya Demokratîk dîmenên çalakiyên şervanan ên li başûrrojhilatê Minbicê jî belav kirin.

Li hêla din, Rewangeha Mafên Mirovan a Sûriyeyê (SOHR) jî bîlançoya şerê doh ê li Bendava Tişrînê eşkere kir.

Li gorî nûçeya SOHRê, 12 çekdarên ku komên ku Tirkiye piştgiriyê dide wan hatine kuştin û 3 şervanên HSDyê jî birîndar bûne.

#VÎDEO - Şerê di navbera Hêzên Sûriyeya Demokratîk (HSD) û komên çekdar de didome

🛑 Hêzên Sûriyeya Demokratîk dîmenên nû yên çalakiyên şervanan belav kirin û da zanîn ku li başûrrojhilatê Minbicê wesayîtên komên çekdar bi dronan tên hedefgirtin#Minbic
📽️ SDF Press Center pic.twitter.com/7NSKmtm6VD

— RudawKurdi (@RudawKurdi) December 26, 2024

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger