Hewlêr (Rûdaw) - Li parêzgeha Şirnexê ya Bakurê Kurdistanê, 20 kes bi hinceta beşdarî xwepêşandanan bûne û “propagandeya PKKyê” kiriye kes hatin desteserkirin.
Li gelek bajarên Bakurê Kurdistanê û bajarê Îzmîrê yê Tirkiyeyê, îro hêzên ewlehiyê bi ser gelek malan de girt û bi “hinceta PKKyê” nêzîkî 50 kesî desteser kirin.
Li Şirnexê û navçeyên wê jî polîsan bi ser gelek malan de girt û bi hinceta ku pêştir beşdarî xwepêşandanan bûne û “propagandeya PKKê” kiriye 20 kes desteser kirin.
Hêzên ewlehiyê kesên desteserkirî birin Rêveberiya Ewlehiyê ya Şirnexê.
Li Tirkiye û Bakurê Kurdistanê, hêzên ewlehiyê rojane bi ser malan de digrin û bi “hinceta PKKyê” xelkê sivîl û siyasetmedarên Kurd desteser dikin.
Bi taybetî piştî danîna qeyûman li ser şaredariyên Mêrdîn, Êlih û Xelfetiyê hêzên ewlehiyê yên Tirkiyeyê operasyonên desteserkirinê yên li dijî Kurdan zêdetir kirine.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse