Hewlêr (Rûdaw) - Li navçeya Tonûsê parêzgeha Sêwazê ya Bakurê Kurdistanê çar şivanên ku ji ber berf asê mabûn, piştî kar û xebatên 7 demjimêran hatin rizgarkirin.
Ji ber pûk û berfa zêde li devera Çemê Guran 4 şivan û hezar pez asê man.
Şivanên asê mabûn hewara xwe gihandin şaredariyê û alîkarî xwest.
Ji ber berfa zêde heta demekê şivan nehatin dîtin.
Ligel başbûna rewşa keşûhewayê, tîmên şaredariyê dest bi kar û xebatan kirin.
Piştî kar û xebatên 7 demjimêran her 4 şivan û keriyê pez hatin dîtin.
Şivan û keriyê pez ku ji aliyê tîman ve hatin rizgarkirin, ew birin çewlikekê.
Hat ragihandin ku rewşa tenduristiyê ya şivanan baş e.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse