![Rêveberiya Polîtikaya Malbat û Civakî ya Bajêr ligel serok eşîr û rîspiyan peymanek îmze kirin Rêveberiya Polîtikaya Malbat û Civakî ya Bajêr ligel serok eşîr û rîspiyan peymanek îmze kirin](https://www.rudaw.net/s3/rudaw.net/ContentFiles/549527Image1.jpg?mode=crop&quality=70&rand=1&scale=both&w=752&h=472&version=3965700)
Rêveberiya Polîtikaya Malbat û Civakî ya Bajêr ligel serok eşîr û rîspiyan peymanek îmze kirin
Hewlêr (Rûdaw) – Li parêzgeha Riha ya Bakurê Kurdistanê, Rêveberiya Polîtikaya Malbat û Civakî ya Bajêr bi mebesta rêlibergirtina zewicandina zarokan ligel serok eşîr û rîspiyan peymanek îmze kirin.
Li Rihayê, Rêveberiya Polîtikaya Malbat û Civakî ya Bajêr di çarçoveya têkoşîna li hemberî zewaca zarokan de ligel serok eşîr û rîspiyan peymanek îmze kirin. Peyman zewicandina bi zorê û têkoşîna li hemberî tundiya li dijî jinê jî lixwe digire.
Rêvebirê Rêveberiya Polîtikaya Malbat û Civakî ya Bajêr Hasan Bilicî li navçeyên Heran, Kaniya Xezalanê Sêwerek û çend deverên din ê Rihayê serdana serok eşîr û rîspiyan kir û ji wan daxwaz kir ku bibin “qasidên xwebexş”.
Hewldana Rêveberiya Polîtikaya Malbat û Civakî ya Bajêr bi erênî pêşwazî li hat kirin û hejmareke zêde ya serok eşîr û rîspiyên herêmê qebûlkirin ku bibin xwebexş.
Di vê çarçoveyê de peymanek hat îmzekirin. Ew peyman têkoşîna li hemberî zewicandina zarokan û tundiya li dijî jinê lixwe digire.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse