Li Helebceyê festîvala hinaran birêve çû

Helebce (Rûdaw) – Hinarên tirş û meyxoş ên Helebce, Şarezor û Hewraman li Çaremîn Festîvala Hinaran a li parêzgeha Helebceyê hatibûn danîn. Cotkaran berhemên hinar ên îsal li pêşberî hevwelatiyan nimayîş kirin.

Berdevkê Yekîtiya Niştimaniya Kurdistanê (YNK) Seîdî Ehmed Pîre ji bo tamkirina hinara meyxoş a Helebceyê beşdarî festîvalê bûbû û di festîvalê de diyar kir. “Ez gelek ji hinarê hez dikim û her sal têm vê festîvalê.”

Festîval li nav baxçeyekî bajarê Helebceyê hatibû lidarxistin û ji hemû bajar û bajarokên Başûrê Kurdistanê welatî ji bo beşdariya festîvalê hatibûn.

Di festîvalê de heşt cure hinar hatin nimayîşkirin, weke hinara şîrîn a spî, hinara şîrîn a sor, hinara salexane, kawane, melesî û lareş.

Berhema îsal a hinarê li Helebce, Şarezûr û Hewraman, zêdetirî 30 hezar ton bûye li nav 3 hezar û 500 donim zeviyên wê deverê.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger