Colemêrg: 6 kîlo zêrê qaçax hat bidestxistin
Hewlêr (Rûdaw) - Li navçeya Rûbarokê ya parêzgeha Colemêrgê ya Bakurê Kurdistanê di nava kamyonetekê de 6 kîlo zêrê qaçax hat girtin.
Li gorî daxuyaniya Parêzgariya Colemêrgê li navçeya Rûbarokê tîmên Fermandariya Cendermeyan li ser zanyariyên îstixbaratî kamyonetek rawestand û lêgerîn kir.
Di encama lêgerînê de di nav kamyonetê de li ser şofêr û kesekî din bi giştî 6 kîlo zêr hatin dîtin ku bihayê wan 17 milyon û 600 lîreyên Tirkî ye.
Hat ragihandin derbarê kesên gumanbar de kar û barê yasayî hatiye destpêkirin.