30 kesên di Çemê Muradê de asê mabûn hatin rizgarkirin

Hewlêr (Rûdaw) - Li parêzgeha Çewligê ya Bakurê Kurdistanê  30 kesên ku ji ber bilindbûna rêjeya ava Çemê Muradê asê mabûn, hatin rizgarkirin.

Li gor zanyariyan 3 malbat ji bo seyranê çûn gundê Kumgeçit ê ser bi parêzgeha Çewligê ve û li kêleka Çemê Muradê rûniştin, lê piştî demekê rêjeya ava çem bilind bû û 30 kes di çem de asê  man.

Li ser agahdarkirinê Tîmên Rêveberiya Rewşên Bilez û Karesatan (AFAD) û hêzên cendirme çûn cihê bûyerê.

Piştî xebata 2 demjimêran  30 kesên ku di çem de asê mabûn hatin rizgarkirin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger