Hewlêr (Rûdaw) - Li Ameda Bakurê Kurdistanê û 6 bajarên din, polîsê Tirkiyê li dijî KCD, DBP û Weşanxaneya J&J û çend saziyên sivîl û rêxistinên jinan bi awayekî hevdem operasyoneke berfireh kir û 42 kes desteser kirin.
Hêzên polîs li Amedê avêtin ser avahiya Kongreya Civaka Demokratîk (KCD) û çend mal û avahiyên din û herî kêm 11 kes hatin desteserkirin.
Herwiha di encama wê operasyona ku hevdem li 7 bajaran birêve çû, Endamên Diwana KCDê, Jiyan Taş û Hûseyîn Kaya, Rêvebira Komeleya Jinan a Rosayê Rojda Bariş, Hevşaradara jikardûrxistî ya Farqînê Naşîde Toprak û Serokê Şaxa Amedê ya Sendîqaya Kedkaran Suphî Îzol jî nav de bi giştî 42 kes hatin desteserkirin.
Herwiha hêzên ewlekariyê li avahiya KCDyê û Weşanxaneya J&J lêgerîn kirin û dest danîn ser hejmareke zêde ya kaxez û belgeyên KCDê û tabelayên KCDê daxistin.
Ev operasyona di demekê de ye ku Serdozgeriya Komarî ya Tirkiyê di çarçova lêpirsîna li dijî KCDê biryara desteserkirina 64 kesan dabû.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse