Kobanî: Zêdeyî 100 hektar zeviyên genim şewitîn
Hewlêr (Rûdaw) - Li gundewazrê Kobanî ya Rojavayê Kurdistanê, zêdeyî 100 hektar zeviyên genim şewitîn.
Li gor çavkaniyên Rêveberiya Xweser, roja 25ê Gulanê agir bi zeviyên genim ên gundên Keleh, Omerak, Feyad, Xerab Xel, Kerk û Zinarê Qel girêdayî Kobanî ketiye, di encam de 100 hektar şewitîne, û heta niha agir berdewam e.
Li gor heman çavkaniyan, roja 25ê Gulanê li gundên Sitiye, Bîr Remê û Dendik 17 kêlometre li rojavayê Kobanî 200 donim zeviyên genim şewitîn, herwiha li gundê Bellik ku dikeve başûrê rojhilatê Kobanî 30 donim zeviyên genim jî şewitîn.
Li gor heman çavkaniyan, 7 otombîlên agirvemirandinê û gelek terektorên gundiyan karîn zû agir vemirînin daku berfireh nebe, heta niha jî sedema abgirpêketinê nehatiye zanîn.
22ê Gulanê jî, li herdû gundên Hûran û Derb el-Nob li rojavayê Kobanî agri bi zeviyên genim ketibû, otombîlên agirvemirandinê yên şaredariya Bênder karîn li gel xelkê navçeyê zû wî agirî vemirînin.