Wêne: AA
Hewlêr (Rûdaw) - Li parêzgeha Wanê ya Bakurê Kurdistanê 14emîn Pêşangeha Xwarin, Ajeldarî û Çandiniyê dest pê kir.
Di roja yekem de hejmareke zêde ya kompanya, ajeldar û cotkarên Wanê û navçeyên wê beşdar bûn.
Beşdaran li pêşangehê hem berhemên xwe firotin hem jî danasîna wan kirin.
Koordînatorê Pêşangehê Veysî Uygun da zanîn:
“Pêşangeha me xizmeta wan kesan dike ku bi çandinî û ajeldariyê re mijûl in.
Pêşangeh ji bo cotkar û berhemhênerên me amûrên çandiniyê traktor, tov, gubre, kelûpelên çandiniyê û hemû teknolojiyan pêşkêş dike.
Pêşangeha Çandiniyê ya Wanê li ser asta Tirkiyeyê jî navdar e û tê zanîn.”
Xelkê parêzgeha Wanê jî eleqeyeke zêde nîşanî pêşangehê da.
Kompanya û aliyên beşdar pêşangehên bi vî rengî wekî derfeteke girîng a ji bo reklam û bazarkirina berhemên xwe dibînin.
“Em gelekî girîngiyê didin festival û pêşangehan”
Seroka Kooparatîfa Jinan a Bipêşxistina Çandiniyê ya Axdamarê Aycan Bayazitê jî anî ziman:
“Ez ligel malbata xwe cotkariyê dikim. Me standa xwe ji bo bazarkirina ew berhemên ku em li kooparatîfa jinan berhem tînin vekir.
Me ligel hevalên xwe bi hevbeşî kooparatîfek vekiriye û em berhemên ku me bi xwe berhem anîne li wê derê difiroşin.
Li navçeya me qadên ku em danasîn û reklama xwe bikin gelekî teng in. Ji ber wê em gelekî girîngiyê didin festival û pêşangehên wiha.”
14emîn Pêşangeha Xwarin, Ajeldarî û Çandiniyê roja pêncşemê dest pê kir û dê 4 rojan berdewam dike.
Îsal bi giştî 85 kompanyayên ji Tirkiye û Bakurê Kurdistanê beşdar in.
Armanca rêkxerên pêşangehê ew e ku salên pêş kompanya û saziyên derveyî welat jî vexwînin pêşangehê.
Serokê Odeya Bazirganî û Pîşesaziyê ya Wanê Nejdet Takva jî li ser pêşangehê beşdarî bultena Rûdawê re bû:
Li Wanê 14emîn Pêşangeha Xwarin, Ajeldarî û Çandiniyê dest pê kir
— RudawKurdi (@RudawKurdi) April 26, 2024
Serokê Odeya Bazirganî û Pîşesaziyê ya Wanê Nejdet Takva:
🔸 Pirsgirêka geştên esmanî ya bajarê Wanê berdewam e
🔸 Wan dûrî bazarên Herêma Kurdistanê maye
🔸 Meha Gulanê em dê berê xwe bidin Herêma Kurdistanê pic.twitter.com/lu7RIWjRpW
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse