Li Bedlîs û Tetwanê dibistan hatin girtin
Hewlêr (Rûdaw) - Li parêzgeha Bedlîsê ya Bakurê Kurdistanê, îro ji ber keşûhewaya xirab dibistan rojekê hatin girtin.
Li gelek bajarên Bakurê Kurdistanê îro berf û baran dibare.
Li Bedlîs û navçeya wê ya Tetwanê jî berf dibare û pileyên germê dadikevin.
Parêzgariya Bedlîsê bi daxuyaniyekê ragihand ku li parêzgehê bandora xirab a keş û hewayê berdewam e.
Parêzgariyê got, “Ji ber keşûhewaya xirab û barîna berfê roja 26ê Adarê li navenda Bedlîs û navçeya Tetwanê hemû dibistanên fermî û taybet rojekê hatine girtin.”