Li Xarpêtê kanza herifî
Hewlêr (Rûdaw) – Li navçeya Xulemanê ya Xarpêtê kanzayek herifî.
Li gorî agahiyên destpêkê, 3 karker di binê axê de mane.
Tîmên lêgerîn û rizgarkirinê sewqî cihê bûyerê hatin kirin.
Serokê Şaredariya Xulemanê başaran Yalçin detsnîşan kir, “Kanzaya kromê herifiye û 2 yan 3 karker di binê xanê de mane.”
Parêzgar daxuyanî da
Parêzgarê Xarpêtê Omer Toraman jî got:
“Karkerek hat rizgarkirin, ji bo dîtina 3 karkeran xebat berdewam dikin. Ev der kanzayeke kromê ye.”
Li gorî DHAyê jî karkerek bi hewlên xwe ji binê axê derketiye.
AFADê daxuyanî da
Serokatiya Rêveberiya Karesat û Rewşên Bilez a Tirkiyeyê (AFAD) jî ragihand ku bi tevahî sê karker di binê axê de mane.
AFADê daxuyand ku karkerek hatiye rizgarkirin û du karker di binê axê de ne.
Parêzgariyê daxuyanî da
Li hêla din, Parêzgariya Xarpêtê da zanîn ku bi tevahî 4 karker bi binê kanzaya herifî de mane.
Li gorî daxuyaniya Parêzgariyê, 3 karker hatine rizgarkirin û karkerek hîn jî di binê kanzayê de ye.
Hemû karker hatin rizgarkirin
Wezareta Enerjî û Çavkaniyên Xwezayî ya Tirkiyeyê ragihand ku hemû karker hatin rizgarkirin.
Li gorî daxuyaniya Wezaretê, karkerek birîndar e û rewşa tenduristiyê ya karkerên din baş e.