Hewlêr (Rûdaw) - Parêzgariya Şirnexê derbarê vîdeo û îdiayên li ser medyaya civakî ku tê gotin Bendava Înceler a Qilebanê zirar dîtiye daxuyanî da û got “Îdîayên navborî bêbingeh in.”
parêzgariya Şirnexê derbarê îdiaya ku Bendava Qileban di erdhejê de zirar dîtiye de daxuyaniyek belav kir.
Parêzgariyê di daxuyaniya ku li ser malpera xwe ya fermî parvekir de dibêje “Di rojên dawî de li ser înternet û medyaya civakî derbarê Bendava Qilebanê Şirnexê de îdia hene. Bendava Qilebanê jî di nav de rewşa hemû bendavên me di cih de tê şopandin û îdiayên mijara gotinê bêbingeh in; Bi rêzdarî ji raya giştî re tê ragihand.”
Hevserokê HDPê yê parêzgeha Stenbolê Ferhat Encû derbarê Bendava Înceler a Qilebanê de hişyarî dabû û di dîmenên ku parvekiribû de gotibû “Berê tevî ku me bi caran hişyarî dabû jî ti tedbîr nehatine wergirtin. Bendava Înceler a Qilebanê ya Şirnexê li ber teqîne û dibe ku karesateke mezin çêbike.”
Daha önce defalarca yetkilileri uyarmamıza rağmen herhangi bir önlem alınmış değil. Şırnak Uludere inceler barajı patlamak üzere ve büyük bir facia yaratabilir. Önlem alın! pic.twitter.com/T2L3zghSQg
— Ferhat Encu (@FerhatEncu) February 24, 2023
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse