Hewlêr (Rûdaw) - Pira Alman a ku li navçeya Serê Golê yê Semsûrê ye, ji erdheja ku navenda wê Mereş a Bakurê Kurdistanê bû û li 11 parêzgehan bandora wê hebû, hilneweşiya.
Pira Goksu ya dîrokî (Pira Almanî) ku di çarçoveya Projeya Rêhesinê ya Bexdayê ya Siltan Abdulhamîdê Duyem de di sala 1929an de ji aliyê Almanan ve li ser Çemê Reş hatibû çêkirin, di karesata erdhejê de xisareke cidî nedîtiye û li ser pêyan maye.
Pira Alman a li navçeya Serê Golê ku di sala 1927an de dest bi çêkirina wê hate kirin, di sala 1929an de bi dawî bû û kete xizmetê.
Pira dîrokî ya ku 280 metre dirêj, 35 metre bilind, 12 stûn û 7 kemer lê hene balê dikişîne.
Pira ku ji bo kana hesin a li navçeya Hekîmxan a Meletiyê dibirin navçeya Îskenderûna Hatayê, ji ber erdhejê nayê bikaranîn.
Pira Alman a ku di sala 1929an de di çarçoveya Projeya Rêhesinê ya Bexdayê de ji aliyê Almanyayê ve hatibû çêkirin, di erdhejê de ti ziyan nedîtiyê.#Erdhej pic.twitter.com/OLDAhHreWg
— RudawKurdi (@RudawKurdi) February 26, 2023
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse