Hewlêr (Rûdaw) - Li navçeya Dîvrîxiyê parêzgeha Sêwazê ya Bakurê Kurdistanê agir bi 5 malan ket û piştî sê demjimêran hat vemirandin.
Li gorî agahiyan, li gundê Olukmanê yê navçeya Dîvrîxiyê kesê bi navê A.A. xweliya germ a sobeyê rijandiye şaneşîn an balkona mala xwe.
Piştî demeke kurt ji ber agirê di nav xweliyê de agir bi malê ket. Agirê ku bi malê keta li 5 malên derdor belav bû.
Li ser agahdarkirinê cendirme û tîmên parastina sivîlan çûn cihê bûyerê.
Di encama xebata tîman de piştî 3 demjimêran agir hat vemirandin.
Heriwha ji ber agir ziyaneke mezin gihişt her pênc malan lê ziyanên canî çênebûn.
Derbarê pêketina agir de lêpirsîn hat despêkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse