Hewlêr (Rûdaw) – Nivîskar û fîlozofê fransî Bernard Henri Levy dibêje, ew kar dike da ku biselmîne, ku gotina kevn a kurdî ya dibêje; “dostên Kurdan tenê çiya ne” ne rast e.
Bernard Henri Levy, ku weke “dostê Kurdan” tê naskirin, dixwaze biselmîne, ku Kurd ne bi tenê ne û xwedan gelek dost in.
Levy dê roja 28ê Mijdarê fîlma xwe ya bi navê “Pêşmerge”, li Neteweyên Yekbûyî nimayîş bike.
Derhênerê fîlma Pêşmerge Bernard Heri Levy e û bi gotina wî niha hemû bilêtên nîşandana filmê hatine firotin.
Levy dixwaze bi rêya vê filmê zîrekî û wêrekiya pêşmerge nîşanê nûnerên 193 welatên cîhanê yên endamên Neteweyên Yekbûyî nîşan bide, bi vî awayî piştgirî û hevsoziya wan welatan ji bo Kurdan bixwest bixe.
Nivîskar Levy derbarê vê mijarê de li ser tora civakî ya twitterê gotiye: “Ji bilî çiyayan ti kes dostê me nîne. Roja 28ê Mijdarê, li baregaha sereke ya Netweyên Yekbûyî li New Yorkê dê were selmandin, ku ev gotina kevn a Kurdan ne rast e! Li pêşberî 193 welatan, emê nîşa hevpeymanên xwe yê Kurdistanê bidin, ku hevrêyên wan gelek in.”
"No friends but the mountains". Nov 28, at the #UN, NYC, this old #kurdish proverb will prove to be untrue! We will show our allies in #Kurdistan, in front of 193 nations, that their friends are many! #SupportKurdistan #PeshmergaAtTheUn pic.twitter.com/RVyL2gaoiK
— Bernard-Henri Lévy (@BHL) November 24, 2017
Herwiha di twitteke din jî de Bernard Henri Levy dinivîse: “Roja 28ê Mijdarê, demjimêr 06.30ê piştî nîvro, 193 welatên Neteweyên Yekbûyî dê bi çavê xwe bibînin ka pêşmerge çi wateyê dide. Pêşmerge wate nîşana zîrekî û wêrekiyê ye. Mixabin, hemû kursiyên ji bo giştî hatibûn danîn, hatine firotin. Lê hûn dikarin ji vir çavdêriya mijarê bikin.”
Nov 28, 6:30 pm, 193 nations at the UN will see for themselves what it means to be a #Peshmerga: it is the essence of bravery and courage. All of the seats for the public are, alas, sold out. But you will be able to follow the event here. #SupportKurdistan #PeshmergaAtTheUN pic.twitter.com/OZuzsOGrzr
— Bernard-Henri Lévy (@BHL) November 24, 2017
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse