Hewlêr (Rûdaw) – Hêzên Rizgariya Efrînê (HRE) ragihand, “Leşkerekî dewleta Tirk û 4 çete hatin kuştin, her wiha 5 leşkerên Tirk û 5 çete birîndar bûne.”
23yê vê mehê li navçeya Kahramankazanê ya Enqereyê êrişî Şirketa Hevpar a Pişesaziya Feza û Hewavaniyê ya Tirkan (TUSAŞ) hat kirin.
Tirkiye piştî vê bûyerê êrişî Başûr û Rojavayê Kurdistanê dike.
Tirkiye li Rojavayê Kurdistanê êrişî santralên kareba, gaz û petrolê, benzînxaneyan, nexweşxaneyan, depoyên genim, holên dawetê û navendên tenduristiyê dike.
Fermandarê Giştî yê Hêzên Sûriyeya Demokratîk (HSD) Mezlûm Ebdî da zanîn ku Tirkiye sivîlan dikuje û sûcên şer dike.
Hêzên Rizgariya Efrînê (HRE) di daxuyaniyeke nivîskî de da zanîn ku wan li hemberî van êrişan gelek çalakî li dar xistine û got:
"Li hemberî êriş û polîtîkayên dewleta Tirk a dagirker û komên çete yên girêdayî wê çalakiyên tolhildan û bersivdayînê hatin lidarxistin.”
Li gorî daxuyaniyê di van çalakiyan de leşkerekî Tirkiyeyê û 4 çekdar hatine kuştin û 5 leşker û 5 çekdar jî birîndar bûne.
HREyê amarên çalakiyan cuda cuda dan û dîmenên çalakiyeke sekvaniyê jî belav kirin.
Divê were gotin ku Wezareta Parastinê ya Tirkiyeyê heta niha liser mijarê ti daxuyanî nedaye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse