Hewlêr (Rûdaw) – Yekîneyên Berxwedana Şingalê (YBŞ) nasnameyên 6 şervanan eşkere kirin ku di êrişên Tirkiyeyê de canê xwe ji dest daye.
23yê vê mehê li navçeya Kahramankazanê ya Enqereyê êrişî Şirketa Hevpar a Pişesaziya Feza û Hewavaniyê ya Tirkan (TUSAŞ) hat kirin.
Tirkiye piştî vê bûyerê êrişî Başûr û Rojavayê Kurdistanê dike.
Tirkiye li Rojavayê Kurdistanê êrişî santralên kareba, gaz û petrolê, benzînxaneyan, nexweşxaneyan, depoyên genim, holên dawetê û navendên tenduristiyê dike.
Fermandarê Giştî yê Hêzên Sûriyeya Demokratîk (HSD) Mezlûm Ebdî da zanîn ku Tirkiye sivîlan dikuje û sûcên şer dike.
Tirkiye li Başûrê Kurdistanê Şingal jî di nav de êrişî gelek deverên cuda dike.
Yekîneyên Berxwedana Şingalê (YBŞ) ragihand ku Tirkiyeyê şeva borî û îro li Şingalê êrişî 16 deverên cuda kiriye.
Li gorî daxuyaniya YBŞyê di êrişên Tirkiyeyê de 6 şervanan canê xwe ji dest daye û nasnameyên wan wiha ne:
- Nemir Qasim Elî: Nemir Helîqî
- Umran Ehmed Qasim: Orhan Şingal
- Ezîz Xeyro Cirdo: Dilbirîn Şingal
- Raîd Xalîd Husên: Azad Şingal
- Selah Hesen: Dilgeş Şingal
- Wed Hemed: Rojhat Ereb
Fermandarê Hêzên Parastina Êzidxanê Heyder Şeşo ji Rûdawê re da zanîn ku êrişî şeva borî saet 23:30î dest pê kiriye û îro heta devdevê sibehê saet 03:yan ajotiye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse