BANE – Kolberek hat kuştin

25-10-2023
Nîşan Bane Kolber Hêzên Îranê Kuştin
A+ A-

Hewlêr (Rûdaw) – Kolberekî Kurd, li Baneya Rojhilatê Kurdistanê bi guleyên hêzên Îranê hat kuştin.

Li gorî agahiyên xwecihî, navê wî kolberî Muhsîn Ebdulahî ye, ew 35 salî ye û 4 zarokên wî hene.

Muhsîn Ebdulahiyê ku hatiye kuştin ji gundê Kaniyê yê bajarê Baneyê yê parêzgeha Sineyê ye.

Malbata Muhsîn Ebdulahî, cenazeyê wî ji Nexweşxaneya Selahedînê Eyûbiyê ya li Baneyê wergirtiye.

Hêzên Îranê 18ê ve mehê jî li Merîwanê kolberekî Kurd ê bi navê Ferîd Wetenî Resûl kuştibû.

Îsal 13 kolberan canê xwe ji dest daye

Li gorî raporên Kolber Newsê, îsal li herêmên sînorî yên parêzgehên Urmiye, Sine û Kirmaşanê yên Rojhilatê Kurdistanê, ji ber sedemên cuda 13 kolberan canê xwe ji dest daye.

Herwiha ji serê salê ve 72 kolber jî birîndar bûne.

Şîrove

Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî

Şîroveyekê binivîse

Pêwîst
Pêwîst