Hewlêr (Rûdaw) – Navê nû yê Partiya Çepên Kesk bû “Partiya Gelan a Demokratîk.”
Desteya Rêveberiya Navendî (MYK) ya Partiya Çepên Kesk, biryar da ku navê nû yê partiyê bibe Partiya Gelan a Demokratîk.
Partiya Çepên Kesk 11ê Îlonê konferansek li dar xistibû û di vê konferansê de ji bo partiyê gelek nav hatibûn pêşniyarkirin.
Li gorî nûçeya ArtiTVyê, ji nav wan navên ku hatibûn pêşniyarkirin navê Partiya Gelan a Demokratîk hat hilbijartin.
Di konferansa Partiya Çepên Kesk a di 11ê Îlonê de nêzîkî 20 nav hatibûn pêşniyarkirin.
Hin navên ku hatibûn pêşniyarkirin: Partiya Gelan a Demokratîk (DHP), Partiya Wekhevî û Demokrasiyê (HEDEP), Partiya Wekheviya Gelan (HEP), Partiya Civaka Azad (OTP), Partiya Jiyana Azad (OYP), Partiya Jiyana Nû (YYP) .
Li aliyê din, heta niha ji Partiya Çepên Kesk li ser mijarê ti daxuyaniyeke fermî nehatiye dayîn.
Partiya Demokratîk a Gelan (HDP) ya ku ji ber qedexeya li ser nikaribû bikeve hilbijartinan, bi navê Partiya Çepên Kesk beşdarî hilbijartinên 14 û 28ê Gulanê bûbû.
Partiya Çepên Kesk di Parlamentoya Tirkiyeyê de xwedî 62 kursiyan e.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse