Hewlêr (Rûdaw) - Li parêzgeha Kilîsê ya Bakurê Kurdistanê di 2 bûyerên cuda yên pevçûna malbatan de 12 kes birîndar bûn.
Li navçeya Eliyê Mentarê ya parêzgeha Kilîsê 2 malbat bi hev ketin û di encamê de 9 kes birîndar bûn.
Li gorî zanyariyan, li gundê Beylerbeyiyê yê navçeya Eliyê Mentarê bi sedema ku traktorê zerer daye boriya avdanê di navbera 2 malbatan de alozî derket.
Her du malbatan piştre bi kevir û daran êrişî hev kir û di encamê de 9 kes birîndar bûn.
Li ser agahdarkirinê, tîmên tenduristiyê û cendirme çûn cihê bûyerê.
Tîman birîndar bi ambûlansan veguhestin Nexweşxaneya Dewletê ya Prof. Dr. Alaeddin Yavaşcayê.
Hêzên ewlehiyê li gund tedbîr zêde kirin û wan di nav gund de dest bi lêpirsînê kir.
Malbatan bi kêr û çekan êrişî hev kir
Her wiha li heman parêzgehê şeva borî di navbera 2 malbatên din de jî alozî derket.
Her du aliyan bi kêr û çekan êrişî hev kir û di encamê de yek jê giran 3 kes birîndar bûn.
Li gor agahiyan, li taxa Ekrem Çetînê zarokên 2 malbatan li hev xist.
Piştre da ku bûyer mezin nebe mezinên her 2 malbatan civiyan lê di navbera wan de alozî derket û wan bi çek û kêran erişî hev kir.
Di encamê de kesek bi çekê û kesek jî bi kêrê birîndar bû.
Dema gumanbaran dixwest ji cihê bûyerê birevin, otomobîla wan li kesekî bi navê M.Ç qelibî.
Li ser agahdarkirinê tîmên tenduristiyê û polîs çûn cihê bûyerê û her sê birîndar birin Nexweşxaneya Dewletê ya Prof. Dr. Alaeddin Yavaşcayê.
Tê gotin ku rewşa tenduristiyê ya M.Ç ne baş e.
Piştî bûyerê 3 kes hatin desteserkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse