Hewlêr (Rûdaw) - Li parêzgehên Erzerom, Qers û Erdexanê yên Bakurê Kurdistanê yekem berfa salê bariya.
Li navçeya Paltokanê ser bi parêzgeha Erzeromê berfa yekem a salê barîya.
Li vê navçeya ku yek ji navendên herî giring a werzîşên Kaşûnê ye cihênd bilin bi berfê spî bûn.
Barana ku du roj bûn li wê deverê dibariya derengê şeva borî veguherî berfê û erd spî kir.
Welatiyên navçeyê dibêjin piştî germa havîna îsal ji nişka ve sarbûna hewayê û barîna berfê bo wan surprîz bû.
Li Erdexan û Qersê cihê bilind ji berfê spî bûn
Barîna barana ku duh li Erdexanê bi bandor bû, ber bi sibehê ve li cihên bilind berf barî û girên derdora bajêr spî bûn.
Li Zozanê Bilbilanê ya di navbera Erdexan û Artvînê de jî berf bariya.
Li aliyê din li parêzgeha Qersê jî barana ku ev 2 roj in dibariya ber destê sibehê veguherî berfê.
Ji ber berfa ku li deverên bilind bi bandor bû hin çiya spî bûn.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse