Artêşa Tirkiyê tank û zirêpoşên zêdetir li ser sînorê Rojavayê Kurdistanê bicih dike
Hewlêr (Rûdaw) - Artêşa Tirkiyê ji parêzgeha Amedê ya Bakurê Kurdistanê ve karwaneke leşkerî ku ji tank û zirêpoşan pêk dihat, şande Mêrdînê û biryar e ew hêz li ser sînorê Rojavayê Kurdistanê bêne bicihkirin.
Karwana leşkerî ya Artêşa Tirkiyê, ku ji tank û otomobîlên zirêpoş pêk dihat demjimêrên şevê di bin tedbîrên ewlekariyê de ji bajêr derket û ber bi Mêrdînê ve çû.
Hat zanîn ku ew karwana leşkerî li binkeyên serbazî yên ser sînorê navbera Bakur û Rojavayê Kurdistanê tên bicîh kirin.
Berî du rojan artêşa Tirkiyê karwaneke din a leşkerî ku ji otomobîlên zirêpoş pêk dihat şandibû bajarokê Kaniya Xezalan ê ser bi parêzgeha Rihayê, ku dikeve ser sînorê Rojavayê Kurdistanê.
Ew yek di demekê de ye, ku roja bihorî Sêşemî 24ê Îlonê hêzên Tirkiyê û Amerîkayê, li sînorê navçeya Girê Spî ya Rojavayê Kurdistanê, duyemîn dewriyeya xwe ya hevbeş encam dan.
Ev dewriye di çaçroveya rêkeftina Enqere-Waşingtonê de ya ji bo avakirina navçeya aram li nav axa Rojavayê Kurdistanê tên encamdan.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse