Hewlêr (Rûdaw) – Alîkarê Fermandarê Lîwaya 5an a Pêşmergeyan Bextyar Bêserî ragihand ku dê Heşdî Şebî ji Germiyanê vekişe.
Milîsên Heşdî Şebiyê bi çekên giran çûne parzûngeheke Petrolê ya li Germiyanê.
Li gorî agahiyên Rûdawê, Heşdî Şebî ketiye Parzûngeha Qemerê ya li bajarokê Kulecoyê.
“Dê vekişin”
Alîkarê Fermandarê Lîwaya 5an a Pêşmergeyan Bextyar Bêserî ji Rûdawê re got:
“Wezareta Pêşmergeyan xeber da ku ew bi Bexdayê re axivîne.
Heşdî Şebî dê heta 2-3 saetan ji wê derê vekişe çimkî bê xeber hatine.”
“Wan ji niha ve dest bi vekişînê kiriye”
Bextyar Bêserî li ser milîsên Heşdî Şebiyê yê ku ketine wê herê mê jî ev agahî dan:
“550 otomobîl û amûrên leşkerî bi wan re bûn. 150 ji wan otomobîlan wesayîtên leşkerî bûn.
Hewl didin hêzên xwe bi cih bikin lê dê vekişin û wan ji niha ve dest bi vekişînê kiriye.”
Heşdî Şebî bi çekên giran çûye nêzîkî parzûngeheke Petrolê ya li Germiyanê
— RudawKurdi (@RudawKurdi) August 25, 2024
🟥 Pêşmergeyên li wê derê dibêjin: "Hemû çekên wan hene û çeperan çêdikin" pic.twitter.com/q86pTZltIJ
Li gorî agahiyên Rûdawê, vekişîna milîsên wan dest pê kiriye û ji Germiyanê diçin.
Dema vedikişîn Pêşmerge nîşana "têkçûnê" nîşanî wan dide.
Heşdî Şebiyê xwe negirt û vedikişe
— RudawKurdi (@RudawKurdi) August 25, 2024
🛑 Dema vedikişîn nîşana zaferê dikin û #Pêşmerge jî nîşana "têkçûnê" nîşanî wan dide pic.twitter.com/52BzO0xhNM
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse