Hewlêr (Rûdaw) - Li parêzgeha Amedê ya Bakurê Kurdistanê bi tohmeta dîk berî hev dane 7 kes hatin desteserkirin.
Herwiha bi heman tohmetê li 46 kesan jî 295 hezar û 470 lîre ceza hat birîn.
Polîsan li ser agahiya ku li “Komeleya Parastina Dîkan” a li navçeya Rezanê ya Amedê dîk berî hev didin lêkolîn da destpêkirin.
Polîsên ku wekî temaşevan ketin hindir dît ku li wê derê dîk berî hev didin û li ser wan şert digirin.
Li ser vê yekê operasyona hat lidarxistin û di encamê de kesên bi navê A.G, M.Î, A.B, A.A, H.Y, C.Y. û S.A hatin desteserkirin.
Herwiha di heman operasyonê de polîsan dest danî ser 41 hezar lîre û 16 dîkan.
Li aliyê din li 46 kesan bi giştî 295 hezar û 470 lîre ceza hat birîn.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse