Hewlêr (Rûdaw) - Serok Mesûd Barzanî got, berjewendiya Herêma Kurdistanê di ser hemû berjewendiyan re ye û daxwaz ji aliyên Herêma Kurdistanê kir ku nakokiyên siyasî çareser bikin û bi ruhekî nîştimanperwerî û biratî pirsgirêkan çareser bikin.
Serok Barzanî îro Pêncşemê 25ê Gulana 2023an di salvegera 47 saliya Şoreşa Gulanê de peyamek belav kir û tê de bal kişand ser nakokiyên siyasî yên Herêma Kurdistanê û got, “Ez hêvîdar im, aliyên siyasî yên Kurdistanê bikaribin nakokiyên xwe yên siyasî çareser bikin û hemû bi ruhê nîştimanperwerî û biratiyê pirsgirêkan çareser bikin.”
Serok Barzanî di berdewamiya axaftina xwe de got, “Ez pîrozbahiyê li gelê Kurdistanê û hemû qehreman, Pêşmerge û têkoşerên ku di Şoreşa Gulanê de rol lîstine, dikim. Ez spasiya fedakarî û berxwedana gelê Kurdistanê dikim ku di qonaxeke hesas de piştevaniya Şoreşa Gulanê û Pêşmerge kirin.”
Serok Barzanî her wiha anî ziman, “Bi hezaran silav ji bo şehîdên Şoreşa Gulanê û hemû şehîdên Kurd û Kurdistanê re dişînim ku bi xwîna xwe ji bo gelê xwe dîrok nivîsandin û hemû mînakên qehremanî û radestnebûnê û xweneçemandinê ne.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse