Hewlêr (Rûdaw)- Parlamantera kurd a êzîdî li Parlamentoya Iraqê, Viyan Dexîl li Washingtom ligel Wezîra Derve ya berê ya wî welatî Hillary Clinton civiya.
Ofîsa ragihandina Viyan Dexîl di daxuyaniyekê de wiha got: “Dexîl di nava serdana xwe de bo Amerîkayê, ligel Clinton civiya û di wê hevdîtinê de, rewşa koçberan a dijwar û pirsgirêkên wan hat gotûbêjkirin. Herwiha behsa keçên kurd ên êzîdî yên ku ji destê DAIŞê rizgar bûne jî kir.”
Di wê daxuyaniyê de hat ragihandin: “Hillary Clinton piştgiriyek mezin bo pirsa kurdên êzîdî nîşan da û tekez kir ku ewê hemû hewlên xwe bo alîkariya wan keçan.”
Herwiha Clinton da zanîn ku, welatê wê dixwaze alîkariyên xwe yên mirovî bo koçberan zêdetir bike.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse