Îro roja Şemiyê 25.02.2017 mixabin di dema rûmala bûyerên şerê Mûsilê de, ji ber teqîna bombeyeke vedayî rojnamevana jêhatî ya Rûdawê Şîfa Gerdî şehîd bû û wênegirê wê Yûnis Mistefa jî birîndar bû.
Rêvebera Output a Rûdawê Şîfa Gerdî li wê navçeyê şehîd bû ku berî çend rojan li rexê rastê yê Mûsilê hatibû kontrolkirin û li wir bombeyeke vedayî ya DAIŞê pê de teqiya.
Şîfa Gerdî yek ji kadroyên herî çalak û jêhatî yên Tora Medyayî ya Rûdawê bû. Ji destpêka damezrandina televizyona Rûdawê ve, stêrkeke diyar a ekrana Rûdawê û medyaya kurdî bû.
Herwiha rêvebereke çalak û xwedî bandor a Tora Medyayî ya Rûdawê bû.
Di destpêka operasyona Mûsilê de, bernameyeke taybet bi navê “Focus Mûsil” pêşkêş dikir û bi awayekî meydanî wek rojnamevaneke cengê li eniyên şer amade dibû û zanyarî ji eniyên şer vediguhastin.
Şehîdbûna Şîfa Gerdî xemeke mezin gihand Tora Medyayî ya Rûdawê û rojnamevanên Kurdistanê û cihê wê nayê tijekirin.
Em bi navê Tora Medyayî ya Rûdawê xemgînî û sersaxiya xwe û hemû karmendên Rûdawê û kesûkarên Şîfa Gerdî û tevahiya rojnamevanên Kurdistanê dikin.
Tora Medyayî ya Rûdawê
25.02.2017
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse