Hewlêr (Rûdaw) - Qeyûmê Şaredariya Êlihê ya Bakurê Kurdistanê 18 karkerên din ên şaredariyê ji kar derxistin.
Piştî danîna qeyûm li şaredariyê û heta niha bi giştî 79 karkerên şaredariyê ji kar hatine derxistin.
Parêzgarê Elihê 4ê Çiriya Paşîn wekî qeyûm li Şaredariya Êlihê ya DEM Partiyê hat danîn.
Ji roja ku qeyûm hatiye û heta niha li ser derxistina karker û karmendên şaredariyê berdewam e.
Li gorî zanyariyan qeyûm herî dawî roja Înê 18 karkerên din ên şaredariyê jî ji kar derxistine.
Qeyûmê Êlihê 8ê Çiriya Paşîn a 2024an 5, 31ê Kanûna Pêşîn a 2024an 20, 10ê Kanûna Paşîn a 2025an 18 karker, 18ê Kanûna Paşîn a 2025an jî 18 ji kar derxistine.
Bi 18 kesên nû ji dema destbikarbûnê û heta niha qeyûm bi giştî 79 karker û karmendên şaredariyê ji kar derxistine.
