Hewlêr (Rûdaw) – Berdevkê Rêveberiya Polîsê parêzgeha Helebceyê ragihand, li gundekî ser bi nahyeya Sîrwan ve du bira, yek 8 salî û yê din 12 salî, di bîrekê de xeniqîne.
Berdevkê Rêveberiya Polîsê Helebceyê Berzan Osman îro Çarşemê 2023an ji Rûdawê re ragihand, her du birayên ku xelkê gundê 12 Îmamê nahyeya Sîrwan a ser bi parêzgeha Helebceyê ne, îro di demjimêr 15:00an de ketine bîreke avê û tê de xeniqîne.
Li gor gotina Berzan Osman, yek ji wan birayên ku xeniqîne Ariş Awat HemeElî ê 12 salî û Mihemed Awat HemeElî yê 8 salî, ketine bîrê û bo nexweşxaneya lezgîn hatin veguhestin û li wir canê xwe ji dest dan.
Berdevk da zanîn ku derbarê bûyerê de lêpirsîn hatiye destpêkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse