Hewlêr (Rûdaw) - Wezîrê Dadê yê Tirkiyeyê ragihand ku di encama lêpirsîna derbarê Kongreya Ciwanan a DEM Partiyê ya Amedê de 42 kes hatine desteserkirin.
Îro li parêzgeha Amedê ya Bakurê Kurdistanê, ji aliyê Serokatiya Bajêr a Amedê ya DEM Partiyê ve 1emîn Kongreya Meclîsa Ciwanan a DEM Partiyê ve bi beşdariya Hevserokê DEM Partiyê Tuncer Bakirhan hate lidarxistin.
Wezîrê Dadê yê Tirkiyeyê Yilmaz Tunç ragihand ku derbarê 1emîn Kongreya Meclîsa Ciwanan a DEM Partiyê de bi hinceta "pesnê tawan û tawanbar û propagandaya rêxistinê" lêpirsîn hatiye destpêkirin.
Yilmaz Tunç li ser hesabê xwe yê daxuyaniyek belav kir û got:
“Îro Serdozgeriya Komarê ya Amedê derbarê 1emîn Kongreya Asayî ya Meclîsa Ciwanan a DEM Partiyê ku li Amedê hat lidarxistin de bi tohmeta ku 'pesnê tawan û tawanbar dane û propagandaya rêxistina terorê' lêpirsîna edlî daye destpêkirin û biryara desteserkirinê hatiye dayîn.
Derbarê hinek gumanbaran de biryara girtinê jî hatiye dayîn.”
Di çarçoveya lêpirsînê de 42 kes hatine desteserkirin.
.jpg&w=3840&q=75)
