Xizmên hevjînê berê yê bûkê gule li dawetê reşandin
Hewlêr (Rûdaw) – Li parêzgeha Dîlokê ya ya Bakurê Kurdistanê xizmên hevjînê berê yê bûkê gule li dawetê reşandin.
Di vê êrişê de kesek mir û 4 kes jî birîndar bûn.
Bûyerê şeva borî li Taxa Aydintepeyê rû da.
Xizmên hevjînê berê yê bûkê hatin kolana ku dawet lê tê kirin û ketober gule li xelkê reşandin.
Murat Karayê 32 salî li cihê bûyerê mir, 4 birîndar jî bi ambulansan rakirin nexweşxaneyê.
Polîsan li cihê bûyerê û derdora nexweşxaneyê tedbîrên ewlehiyê wergirtin.
Li aliyê din, ji bo êrişkar werin girtin xebat didomin.