Kurdistan
Li Şirnex û Sêrtê bi hinceta hebûna gerîlayên PKKê “Operasyona Payîz-Zivistan-15 a Eren Dorpêç” hatiye destpêkirin.
Hewlêr (Rûdaw) – Wezareta Navxwe ya Tirkiyê ragihand ku li her du parêzgehên Bakurê Kurdistanê Şirne û Sêrtê operasyoneke leşkerî hat destpêkirin.
Wezareta Navxwe ya Tirkiyê ragihand, li Şirnex û Sêrtê bi hinceta hebûna gerîlayên PKKê “Operasyona Payîz-Zivistan-15 a Eren Dorpêç” hatiye destpêkirin.
Li gor daxuyaniyê, di operasyona ku bi kordîneya Fermandariya Cendirmeya Bajarê Şirnexê hat kirin de ji Tevgera Taybet a Cendirmeyê (JOH), komandoya cendirme û tîmên cerdevan 755 kes beşdarî operasyonê bûn. Her wiha 57 tîmên taybet ên bo operasyonan hatine erkdarkirin.
Di beşeke din a daxuyaniyê de tê gotin ku “Di roja ewil a operasyonê de li herêma Çiyayê Gabarê 8 şikeft û 2 sitargeh hatin tesbîtkirin. Di hundirê wan de muhîmateke roketavêjê ya RPG-7an, muhîmateke hewanê, 3 muhîmatên topê, 30 muhîmatên tivinga piyadeyê, dûrbînek, çenteyeke piştan, tulimekî xewê, 22 perçe cil û berg hatin bidestxistin.”
Wezareta Navxwe ya Tirkiyê herwiha dibêje ku hin hestî jî hatin dîtin ku dibe ew hestiyên 2 gerîlayên PKKê bin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse