Hewlêr (Rûdaw) - Li parêzgeha Bedlîsê ya Bakurê Kurdistanê, di barhilgirekê de 64 koçberên Efxanistanî hatin desteserkirin.
Parêzgariya Bedlîsê ragihand ku tîmên Fermandariya Cendirmeyan a Bedlîsê li ser rêya Bedlîs-Sêrtê li nêzîkê gundê Qesrîkê di kontrola rê de 64 koçberên Efxanistanî desteser kirin.
Li gorî parêzgariyê, 2 welatiyên Tirkiyeyê jî bi tohmeta “qaçaxçitiya mirovan” hatine desteserkirin.
Her 2 kesên ku koçber bi balhilgirekê vediguhastin bajarên Tirkiyeyê piştî karên îfadewergirtinê şandin Dadgeha Bedlîsê.
Dadgehê derbarê kesekî de biryara girtinê da û kesek jî bi şertê kontrola dadî berda.
Koçber bi armanca dersînorkirinê radestî Rêveberiya Îdareya Koçê ya Bedlîsê hatin kirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse